Navbatdagi sessiya kun tartibiga.
kiritilgan masala — ijtimoiy va ta’lim sohasi, yangi o‘quv yili boshlanishiga tayyorgarlik holatini o‘rganish doirasida nazorat tadbiri o‘tkazildi.

Xalq deputatlari Angor tumani Kengashi 18-Yangi turmush saylov okrugi deputati Sevara Yuldosheva tomonidan hududdagi ta’lim muassasasida yangi o‘quv yiliga tayyorgarlik jarayoni o‘rganildi.
O‘rganish davomida maktab binosining umumiy holati, o‘quvchilar uchun yaratilgan shart-sharoitlar hamda ta’lim jarayonini samarali tashkil etish uchun amalga oshirilayotgan ishlar ko‘zdan kechirildi. Shuningdek, 24-tavsiya asosida maktabda o‘rnatilgan yangi liftlarning texnik va foydalanish holati ham alohida o‘rganildi.

Liftlarning sozligi, xavfsizlik talablariga muvofiqligi, ulardan foydalanish uchun zarur sharoitlar hamda o‘quvchilar va pedagoglar uchun qulayligi ko‘rib chiqildi.

Aniqlangan masalalar yuzasidan mas’ullarga tegishli tavsiya va ko‘rsatmalar berilib, ularni belgilangan tartibda bartaraf etish bo‘yicha vazifalar belgilandi.
Bunday o‘rganishlar ta’lim muassasalarida xavfsiz, qulay va zamonaviy sharoitlarni ta’minlash, yangi o‘quv yilini puxta tayyorgarlik bilan boshlash hamda deputatlik nazoratini kuchaytirishga xizmat qiladi.