"Algoritm school" maktabining "B" bloki faoliyat boshladi


 

Oltiariq tumanida faoliyat yuritib kelayotgan "Algoritm school" xususiy taʼlim muassasasi oʻtgan davr mobaynida
taʼlim-tarbiya sohasida yuqori natijalarga erishib kelmoqda. Yangi oʻquv yilidan boshlab muassasaning "B" bloki ham ishga tushirildi. Asosan yuqori sinf oʻquvchilari uchun moʻljallangan yangi maktabda ham sohadagi soʻnggi
zamonaviy texnologiyalardan iborat tizim yaratilgan. Ochilish marosimida Oltiariq tumani hokimi Sh.Turdaliyev,
Oʻzbekiston Respublikasi xalq oʻqituvchisi, Xalq deputatlari tuman Kengashi raisi X.Rahimov hamda bugungi kunda respublikamizning nufuzli vazirlik va idoralarida faoliyat olib borayotgan oltiariqlik rahbar xodimlar soʻzga chiqib, oʻz tilaklarini bildirishdi. Birgalikda yangi maktabdagi o‘quv xonalari va zamonaviy jihozlar bilan tanishdalar.