👧Birinchi qo‘ng‘iroq – bilim va ma’rifat sari chorlov

➡️So‘nggi yillarda yurtimizda ta’lim sohasiga yuksak e’tibor qaratilib, yosh avlodning chuqur bilim olishi, barkamol inson bo‘lib voyaga yetishi uchun zarur shart-sharoitlar yaratilmoqda. Zamonaviy maktab binolarining qurilib foydalanishga topshirilayotgani, darslik va metodikalar takomillashayotgani, o‘qituvchilar mehnatini rag‘batlantirishga alohida e’tibor qaratilayotgani buning yaqqol isbotidir.

➡️Muhtaram Prezidentimiz tomonidan ta’lim-tarbiya sohasidagi islohotlar davlat siyosatining eng muhim va ustuvor yo‘nalishlaridan biri sifatida belgilangan bo‘lib, bu jarayon xalqimiz kelajagi bo‘lgan yoshlar taqdiriga bevosita daxldorligi bilan ahamiyatlidir.

➡️ Bugun Xalq deputatlari Sherobod tumani Kengashi 24-Xo'jaqiya saylov okrugi deputati, Sherobod tuman hokimi U. Alimov tumandagi 1-sonli umumta’lim maktabida o‘tkazilgan "Birinchi qo‘ng‘iroq" tantanali tadbirida ishtirok etib, o‘quvchilar, ustozlar va ota-onalarni Mustaqilligimizning 35 yilligi hamda yangi o‘quv yilining boshlanishi bilan samimiy muborakbod etdi.

➡️Tuman hokimi tadbir ishtirokchilariga yangi o‘quv yilida ulkan muvaffaqiyatlar, o‘quvchilarga esa bilim olish yo‘lida bardavom kuch-quvvat va yuksak marralarni zabt etishlarini tiladi.

➡️Darhaqiqat, ta’lim — kelajagimiz poydevori. Bugun maktab ostonasini ilk bor hatlab kirgan kichik sinf o‘quvchilari ertangi kunning bilimdon, vatanparvar va fidoyi farzandlari bo‘lib yetishadi. Shu bois, Birinchi qo‘ng‘iroq jaranglagan bugungi sana har birimiz uchun katta hayajon, mas’uliyat va quvonch kunidir.

🇺🇿 Yangi o‘quv yilining boshlanishi hamda Mustaqilligimizning 35 yilligi barchamiz uchun qutlug‘ bo‘lsin!🇺🇿

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube