“Dolzarb 90 kunlik” hamda “Avgust kengashlari” doirasida

Andijon pedagogika texnikumi direktori, Xalq deputatlari Andijon shahar Kengashi deputati Dilafruz Qurbonova tomonidan navbatdan tashqari yig‘ilish o‘tkazildi.

Yig‘ilishda Kasbiy ta’lim boshqarmasining 2026-yil 17-avgustdagi 122-sonli buyrug‘i 3-ilovasi hamda “Avgust kengashlari”ni tashkil etish jadvaliga muvofiq, 27-avgust kuni pedagogika texnikumida o‘tkaziladigan sho‘ba yig‘ilishini yuqori saviyada tashkil etish masalalari muhokama qilindi.

Shuningdek, tadbirni zamonaviy va innovatsion ruhda, chuqur ilmiy-intellektual muhokamalarga boy tarzda o‘tkazish, unda sun’iy intellekt, raqamli texnologiyalar va ta’limdagi zamonaviy yondashuvlar bo‘yicha dolzarb mavzularni keng yoritish yuzasidan fikr-mulohazalar bildirildi.

Maqsad — ta’lim sifatini oshirish, pedagoglarning zamonaviy bilim va ko‘nikmalarini rivojlantirish hamda yangi o‘quv yilini yuqori intellektual salohiyat bilan boshlash.