Xalq deputatlari Bekobod tumani Kengashiga Oʻzbekiston "Adolat" sotsial-demokratik partiyasidan saylangan deputat A.Rajabov, partiya tuman Kengashi raisi J.Esonov hamda Kengash kotibiyati bosh mutaxassisi A.Utegenov tomonidan "Bogʻishamol" mahalla fuqarolar yigʻinida aholi murojaatlari tinglandi.

Qabul davomida Ziyoli koʻchasida yashovchi M.Mamatqulova va Navroʻz koʻchasida istiqomat qiluvchi A.Shirinov toza ichimlik suvi taʼminoti masalasida, A.Temur koʻchasida yashovchi M.Artikova esa elektr taʼminoti bilan bogʻliq muammolar yuzasidan murojaat qildi.

Mazkur murojaatlar "Koʻchama-koʻcha yurish" daftariga qayd etilib, ularni bartaraf etish yuzasidan masʼul tashkilotlarga tegishli tavsiya va topshiriqlar berildi.