Xalq deputatlari Jondor tumani Kengashi deputati E.Tursunov hamda tuman Kengashi kotibiyati mudiri I.Xolov tomonidan “Luqmon” mahallasida aholi bilan muloqot o‘tkazilib, fuqarolarning ijtimoiy-maishiy muammolari o‘rganildi.
➡️Uchrashuv davomida “Ayollar daftari”ga kiritilgan, boquvchisini yo‘qotgan fuqaro M.Sharipovaning uy-joyini ta’mirlash bilan bog‘liq muammosiga alohida e’tibor qaratildi. Mas’ullar tomonidan xonadondagi mavjud sharoit o‘rganilib, muammoni bartaraf etish imkoniyatlari muhokama qilindi.
➡️O‘rganish yakunida M.Sharipovaning uy-joyini ta’mirlash bilan bog‘liq muammosini hal etish bo‘yicha tegishli chora-tadbirlarni amalga oshirishga kelishib olindi.
➡️Deputatlar tomonidan aholi murojaatlarini joyida o‘rganish, ayniqsa, ijtimoiy himoyaga muhtoj xotin-qizlarning muammolarini o‘z vaqtida hal etish borasidagi ishlar izchil davom ettirilmoqda.
➡️Bunday amaliy muloqotlar fuqarolarning dardiga quloq tutish, ularni qiynayotgan masalalarni joyida aniqlash va yechimini topishda muhim ahamiyat kasb etadi.