Xalq deputatlari Uchquduq tuman Kengashi 10-Mustaqillik saylov okrugi deputati E.Normurodov tomonidan o‘ziga biriktirilgan “Qon va uning tarkibiy qismlari donorligi to‘g‘risida”gi Qonun talablariningi ijrosi o‘rganildi.

Deputatlik nazorati doirasida qon donorligini tashkil etish, donorlarni jalb qilish va ularni belgilangan tartibda tibbiy ko‘rikdan o‘tkazish holatiga e’tibor qaratildi.

Shuningdek, qon topshirish jarayonida sanitariya-gigiyena talablariga rioya etilishi, donorlarning huquq va qonuniy kafolatlari ta’minlanishi, donorlar hisobini yuritish hamda qon va uning tarkibiy qismlarining xavfsizligini ta’minlash bo‘yicha amalga oshirilayotgan ishlar ko‘rib chiqildi.

O‘rganish jarayonida mavjud holat tahlil qilinib, qonun talablarining amaliyotda to‘liq bajarilishini ta’minlash, donorlikni rivojlantirish va aniqlangan masalalarni bartaraf etish yuzasidan tegishli takliflar bildirildi.

📌 Deputatlik nazorati — qonunlarning joylarda amaliy ijrosini ta’minlash va fuqarolar manfaatlarini himoya qilishning muhim vositasidir.