18-ME’MOR SAYLOV OKRUGIDA YANGI TASHABBUS

🏡 Mahalla obodligi va bolalar uchun qulay sharoit yaratish yo‘lida O‘zbekiston Respublikasi Mustaqilligining 35 yilligi arafasida hududlarda obodonlashtirish, infratuzilmani yaxshilash hamda aholi, ayniqsa, yosh avlod uchun qulay sharoitlar yaratishga qaratilgan amaliy ishlar izchil davom ettirilmoqda.

✅ 18-Me’mor saylov okrugi deputati Mirzayev Javohir boshchiligida “Mustaqillik” MFY, M. Ulug‘bek ko‘chasi, 17-uy oldidagi bolalar o‘yingohini qayta ta’mirlash va zamonaviy holatga keltirish masalasi yuzasidan tegishli ishlar rejalashtirildi.

🤝 Mazkur tashabbus doirasida viloyat Qurilish boshqarmasi hamda tadbirkorlik subyekti vakillari bilan uchrashuv o‘tkazilib, bolalar o‘yingohini ta’mirlash, hududni obodonlashtirish va zarur sharoitlarni yaratish bo‘yicha kelgusidagi vazifalar belgilab olindi.

👧🧒 Bolalar uchun xavfsiz, zamonaviy va qulay o‘yingoh barpo etilishi mahalla aholisi, ayniqsa, yosh oilalar uchun muhim ahamiyat kasb etadi.

🌿 Ushbu tashabbus mahalla infratuzilmasini yaxshilash, hududni yanada obod va ko‘rkam qilish hamda bolalarning bo‘sh vaqtini mazmunli o‘tkazishi uchun munosib sharoit yaratishga xizmat qiladi.

🇺🇿 Mustaqillik bayrami arafasida ezgu tashabbuslar va bunyodkorlik ishlari davom etmoqda!