2026-yil 21-avgust kuni xalq deputatlari tuman Kengashi deputati M. Nurjanova, kotibiyat bosh mutaxassisi D. Abdrimova hamda O‘zbekiston XDP tuman Kengashi raisi O. Akimova tuman tibbiyot birlashmasida bo‘lib, nogironligi bo‘lgan shaxslar uchun yaratilgan sharoitlarni o‘rgandilar.
O‘rganish davomida O‘zbekiston Respublikasining “Nogironligi bo‘lgan shaxslarning huquqlari to‘g‘risida”gi O‘RQ-641-son Qonuni talablari asosida tibbiy xizmatlardan foydalanish imkoniyati, muassasadagi qulayliklar va nogironligi bo‘lgan fuqarolarning huquqlarini ta’minlash masalalariga alohida e’tibor qaratildi.
🔹 Maqsad: nogironligi bo‘lgan shaxslar uchun tibbiy xizmatlardan teng va erkin foydalanish imkoniyatlarini kengaytirish;
🔹 Asosiy e’tibor: qulay muhit, sifatli tibbiy xizmat va fuqarolar huquqlarini ta’minlash;
🔹 Deputatlik nazorati: aniqlangan muammo va kamchiliklarni bartaraf etish bo‘yicha tegishli choralarni belgilash.
Inson qadri, huquq va manfaatlari — doimo e’tiborda!