Xalq deputatlari Chilonzor tumani Kengashi deputati Tashmuhammedova Muhabbat Baxtiyorovna Fidokor mahallasida mahalla inspektorlarining hududdagi jinoyatchilikning oldini olish va unga qarshi kurashish borasida amalga oshirayotgan ishlarini o‘rgandi.
O‘rganish davomida hududdagi jinoyatchilik holati, ayniqsa “qizil” va “sariq” toifadagi hududlarda huquqbuzarliklarning oldini olish, mavjud muammolarni bartaraf etish hamda profilaktik tadbirlarning samaradorligi tahlil qilindi.
Shuningdek, jinoyat sodir etilishining oldini olish, xavf guruhiga kiruvchi fuqarolar bilan profilaktik ishlarni kuchaytirish, hududda jamoat xavfsizligini ta’minlash va aholining osoyishtaligini mustahkamlash masalalariga alohida e’tibor qaratildi.
Aniqlangan kamchiliklarni bartaraf etish hamda jinoyatchilikning oldini olish bo‘yicha tegishli mas’ullarga zarur tavsiyalar berildi.
Hudud xavfsizligi va aholi osoyishtaligi — doimiy deputatlik nazoratida.