Xalq deputatlari Jalaquduq tuman Kengashi deputati O. Xolmurodova tumandagi 32-umumiy o‘rta ta’lim maktabida bo‘lib, muassasaning yangi 2026–2027 o‘quv yiliga tayyorgarlik darajasini atroflicha o‘rgandi. O‘rganish davomida deputat quyidagi masalalarga alohida e’tibor qaratdi: · Maktab binosi va sinfxonalar holati: Ta’mirlash ishlarining sifati va o‘quvchilar uchun yaratilgan sharoitlar; · Darslik va o‘quv qurollari: O‘quvchilarni zarur darsliklar hamda metodik qo‘llanmalar bilan ta’minlanganlik darajasi; · Kuz-qish mavsumiga tayyorgarlik: Isitish tizimlarining sozligi va xavfsizlik qoidalariga rioya etilishi; · Oshxona va sport zali: O‘quvchilarning ovqatlanishlari hamda jismoniy tarbiya bilan shug‘ullanishlari uchun yaratilgan imkoniyatlar. Muloqot chog‘ida deputat maktab ma’muriyati va o‘qituvchilar bilan suhbatlashib, mavjud amchiliklarni bartaraf etish yuzasidan tegishli tavsiyalar berdi hamda zarur masalalarni o‘z nazoratiga oldi. «Bizning asosiy maqsadimiz — farzandlarimizning zamonaviy va xavfsiz sharoitlarda ta’lim olishlarini ta’minlashdir», — dedi O. Xolmurodova.