🇺🇿 MUSTAQILLIK TO‘YIGA TO‘YONA: BANDIXONDA YANA BIR EZGU ISH!

🎉 Mustaqilligimizning 35 yillik bayrami arafasida Bandixonliklar uchun yana bir xushxabar!

Quduqsoy mahallasidagi Tangimush temir yo‘l stansiyasiga olib boruvchi yo‘lda asfaltlash ishlari boshlandi. Yillar davomida aholiga noqulaylik tug‘dirib kelgan yo‘lning obod va ravon holatga keltirilishi fuqarolar uchun katta qulaylik yaratadi.

Xalq deputatlari Bandixon tumani Kengashi deputati , tuman hokimi Abdumalik Allamuradov mazkur hududda bo‘lib, olib borilayotgan asfaltlash ishlarini yaqindan ko‘zdan kechirdi. Shuningdek, Tangimush temir yo‘l stansiyasida fuqarolar uchun yaratilgan sharoitlar hamda yuk tashish uchun yangidan ochilgan temir yo‘l izlari bilan tanishdi.

Mas’ul idoralarga stansiyada fuqarolar uchun yanada qulay shart-sharoitlar yaratish, mavjud imkoniyatlardan samarali foydalanish bo‘yicha shaxsan tuman hokimining o’zi shug’lanishini ta’kidladi.

“Har bir amalga oshirayotgan ishimiz inson qadri uchun. Bu yerga kelgan har bir fuqaro bizdan rozi bo‘lishi kerak”, — deydi tuman hokimi A. Allamuradov.

🚆 Ma’lumot uchun: Tangimush temir yo‘l stansiyasidan o‘tuvchi poyezdlar fuqarolarning chiqib-tushishi uchun 5 daqiqagacha to‘xtab, yo‘lovchilarga qulaylik yaratilgan.

Mustaqillik bayrami arafasida bunyodkorlik, obodonchilik va xalq roziligi yo‘lidagi ezgu ishlar Bandixonda izchil davom etmoqda!