CHIQINDI MUAMMOSI: TEXNIKA YETISHMASLIGI GRAFIK IJROSIGA TO‘SQINLIK QILMOQDA

Xalq deputatlari Sirdaryo viloyati Kengashi kotibiyati bosh mutaxassisi Sh.Tursunqulov va ishchi guruhi a'zolari F.Abdusattorov Xalq deputatlari tuman Kengashi kotibiyati mudiri N.Turdiyevlar tomonidan aholidan eng ko‘p kelib tushayotgan murojaatlardan biri maishiy chiqindilarni o‘z vaqtida olib chiqib ketish masalasi yuzasidan “Toza hudud” DUKda o‘rganish ishlari olib borildi.

O‘rganish davomida tashkilot tasarrufida chiqindilarni olib chiqib ketish uchun 6 dona maxsus transport vositasi mavjudligi biroq ulardan atigi 3 tasi soz holatda, qolgan 3 tasi esa ta’mirtalab holatda ekani aniqlandi.

Tashkilot tomonidan tumandagi 11 ta mahalladan chiqindilarni olib chiqib ketish bo‘yicha grafik shakllantirilgan. Ammo maxsus texnikalar yetishmasligi sababli mazkur grafikni amalda to‘liq bajarishda qiyinchiliklar yuzaga kelayotgani ma’lum bo‘ldi.