Yig‘ilishda Surxondaryo viloyati Maktabgacha va maktab ta’limi boshqarmasi boshlig‘i B.Tashpulatov yo‘l xaritasida belgilangan vazifalar ijrosi yuzasidan hisobot berdi.

Hisobotda raqamlashtirish yo‘nalishidagi vazifalarning asosiy qismi bajarilgani ta’kidlandi. Jumladan, 21 ta maktab va 5 ta tashkilotning barchasida videokuzatuv kameralari o‘rnatilgan.

Shuningdek, tajriba-sinov tariqasida 13 ta maktabda, yo‘l xaritasiga kiritilgan yana 10 ta maktabda ota-onalarga SMS xabarnoma yuborish xizmatini joriy etish rejalashtirilgan.

Ayni paytda ota-onalar uchun onlayn kuzatuv imkoniyatini joriy etish bo‘yicha ishlar davom ettirilmoqda. Mazkur masala yuzasidan vazirlikka tegishli taklif va murojaatlar kiritilgan.

Yig‘ilishda raqamlashtirish orqali ta’lim muassasalarida ochiqlik, shaffoflik va ota-onalar nazoratini kuchaytirish muhim vazifa ekani qayd etildi.