Mahallada fuqarolar murojaati o‘rganildi.

Xalq deputatlari Angor tumani Kengashi 4-Tallimaron saylov okrugi deputati Jumaev Zafar tomonidan Yuqori Tallimaron mahallasidagi “mahalla yettiligi” faoliyati o‘rganildi.

O‘rganish davomida mahallada yuritilayotgan ma’muriy hujjatlar, fuqarolar murojaatlari bilan ishlash holati hamda mavjud muammolarni bartaraf etish bo‘yicha amalga oshirilayotgan ishlar bilan yaqindan tanishildi. Shuningdek, deputat joyiga chiqqan holda fuqarolar bilan suhbatlashib, ularni qiynayotgan ijtimoiy va maishiy masalalarni tingladi.

Fuqarolar tomonidan bildirilgan murojaat va takliflar tegishli tartibda o‘rganilib, ularning yechimi yuzasidan mas’ullarga tegishli tavsiyalar berildi. Deputat tomonidan mahallada fuqarolar murojaatlarini o‘z vaqtida ko‘rib chiqish, aniqlangan muammolarni joyida hal etish va aholi bilan doimiy muloqotni yo‘lga qo‘yish muhimligi ta’kidlandi.