Xalq deputatlari Chinoz tumani Kengashiga O‘zLiDeP partiyasidan 6-Beshkapa saylov okrugidan saylangan deputat Hikmatilla Hafizovga biriktirilgan Kengash kotibiyati bosh mutaxassisi B. Ortiqboyev tomonidan Kengashning ish rejasiga muvofiq, 2026-yil 117-avgust kuni Chinoz tumanidagi Markaziy kutubxona faoliyati o‘rganildi.

🔎 O‘rganish davomida kutubxonaning moddiy-texnik holati, kitob fondi, kitobxonlarga ko‘rsatilayotgan xizmatlar hamda muassasaning bugungi kundagi faoliyati bilan yaqindan tanishildi.

📚 Aniqlanishicha, kutubxona fondida jami 62 234 nusxada adabiyot mavjud. Shuningdek, yaqinda tuman hokimligi tomonidan kutubxona fondini boyitish maqsadida 3 mingga yaqin yangi kitob taqdim etildi.

📖 Mazkur yangi adabiyotlarning kutubxona fondiga qo‘shilishi kitobxonlarning zamonaviy va mazmunli adabiyotlardan foydalanish imkoniyatlarini yanada kengaytirishga xizmat qiladi.

📊 O‘rganish yakunlari bo‘yicha kutubxona faoliyatini yanada takomillashtirish, aholiga, ayniqsa, yosh kitobxonlarga ko‘rsatilayotgan xizmatlar sifatini oshirish, kitobxonlar sonini ko‘paytirish hamda kitob mutolaasini keng targ‘ib etish yuzasidan tegishli takliflar bildirildi.