Xalq deputatlari Andijon shahar Kengashi deputatlari tomonidan aholi murojaatlarini o‘rganish, ularni ijobiy hal etish hamda deputatlik nazoratini ta’minlash borasida amaliy ishlar olib borilmoqda.

2026-yil 19-avgust kuni “O‘zbekiston 20 yilligi” MFY hududida mahalla yettiligi faoliyati o‘rganildi.

O‘rganish davomida Furqat ko‘chasida mahalla tomonidan o‘z kuchi bilan o‘rnatilgan transformator podstansiyasini (TP) elektr tarmog‘iga ulash masalasida amaliy yordam so‘ralgani aniqlandi.

Mazkur murojaat yuzasidan “Yangi shahar elektr tarmoqlari” korxonasi boshlig‘i I. Jo‘rayevga deputat so‘rovi yuborilib, transformator podstansiyasini tarmoqqa ulash choralarini ko‘rish hamda amalga oshirilgan ishlar yuzasidan qonunchilikda belgilangan muddatda yozma ma’lumot taqdim etish so‘raldi.

Masala deputatlik nazoratiga olindi.