Xalq deputatlari Andijon shahar Kengashi deputatlari tomonidan hududlarda mahallabay yurish va ko‘chama-ko‘cha o‘rganish bo‘yicha amaliy ishlar olib borilmoqda.

Xususan, Xalq deputatlari Andijon shahar Kengashi deputati Gulnoraxon Ismoilova tomonidan o‘z saylov okrugidagi “Mirpo‘stin” MFYda mahallabay yurish va ko‘chama-ko‘cha o‘rganish ishlari amalga oshirilmoqda.

Tashrif davomida hududdagi mavjud masalalarni joyiga chiqqan holda o‘rganish, fuqarolar bilan muloqot qilish hamda ularning murojaatlarini tegishli tartibda ko‘rib chiqishga alohida e’tibor qaratilmoqda.

Mazkur amaliy ishlar aholi bilan bevosita muloqotni yo‘lga qo‘yish, hududdagi masalalarni aniqlash va ularni mas’ul tashkilotlar bilan hamkorlikda hal etishga qaratilgan.