“Xonchorbog‘” mahallasida xotin-qizlar faoli faoliyati o‘rganildi

Mahallada xotin-qizlar bilan ishlash samaradorligiga e’tibor qaratildi
Xalq deputatlari Navoiy shahar Kengashi deputati Qo‘ziyev Ravshan Raimovich hamda Kengash kotibiyati mudiri Jo‘rabek Hafizov tomonidan “Xonchorbog‘” mahallasida xotin-qizlar faoli faoliyati o‘rganildi.

🔎 O‘rganish jarayonida xotin-qizlar bilan ishlash tizimi, ularning murojaat va muammolarini o‘rganish, ijtimoiy himoyaga muhtoj xotin-qizlarni qo‘llab-quvvatlash hamda mavjud masalalarni tegishli tashkilotlar bilan hamkorlikda hal etish borasidagi faoliyatga e’tibor qaratildi.

👩‍👩‍👧‍👦 Shuningdek, xotin-qizlarning bandligini ta’minlash, ularning huquq va qonuniy manfaatlarini himoya qilish, oilaviy va ijtimoiy masalalarni o‘rganish hamda xotin-qizlar faoli tomonidan amalga oshirilayotgan ishlarning samaradorligi ko‘rib chiqildi.

⚖️ Mazkur ishlar O‘zbekiston Respublikasining 2019-yil 2-sentabrdagi “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi O‘RQ-562-son Qonunida belgilangan xotin-qizlar va erkaklarning teng huquq hamda imkoniyatlarini ta’minlashga qaratilgan vazifalar bilan hamohangdir. Qonunchilikda xotin-qizlarning huquq va manfaatlarini ta’minlash hamda kamsitishga yo‘l qo‘ymaslikning huquqiy asoslari belgilangan. 

📌 O‘rganish yakunida xotin-qizlar bilan manzilli ishlashni yanada kuchaytirish, ularning murojaatlarini o‘z vaqtida ko‘rib chiqish, bandligini ta’minlashga ko‘maklashish hamda mavjud muammolarni hal etish bo‘yicha tegishli tavsiya va takliflar bildirildi.

🌿 Xotin-qizlarning huquq va manfaatlarini ta’minlash, ularni qo‘llab-quvvatlash hamda jamiyatdagi faolligini oshirish — muhim vazifalardan biridir.