Xalq deputatlari Chilonzor tumani Kengashi deputati Tashmuhammedova Muhabbat Baxtiyorovna tomonidan mahallalarda aholi, ayniqsa, yoshlar va bolalarning bo‘sh vaqtini mazmunli tashkil etish, ularning sport bilan muntazam shug‘ullanishlari uchun yaratilgan sharoitlar o‘rganildi.

O‘rganish davomida mahallalardagi bolalar maydonchalari, va sport inshootlarining holati, mavjud jihozlarning sozligi, obodonlashtirilganligi hamda ulardan aholining foydalanish imkoniyatlari ko‘zdan kechirildi.

Shuningdek, aniqlangan muammolarni bartaraf etish, sport inshootlarini ta’mirlash va zamonaviy jihozlar bilan ta’minlash bo‘yicha tegishli mas’ullar bilan fikr almashildi.

Deputat tomonidan bu kabi o‘rganishlar aholining, xususan, yosh avlodning sog‘lom turmush tarzini qo‘llab-quvvatlash va mahallalarda sport infratuzilmasini yanada rivojlantirishga qaratilgan.