🏃‍♂️ MAHALLADAGI SPORT INSHOOTLARI VA YARATILGAN SHART-SHAROITLAR O‘RGANILDI

📍 Xalq deputatlari O‘rta Chirchiq tumani Kengashining 12-Aranshi saylov okrugi deputati Djumanova Rano Amanovna nomidan Kengash kotibiyati bosh mutaxassisi Sh.Eshov tomonidan “Yangi yo'l” mahalla fuqarolar yig‘inida aholi va yoshlarning jismoniy tarbiya hamda sport bilan shug‘ullanishlari uchun yaratilgan shart-sharoitlar o‘rganildi.

🔎 O‘rganish davomida mahalla hududida mavjud sport maydonchalari va boshqa sport inshootlarining bugungi holati, ulardan samarali foydalanish darajasi hamda aholi, ayniqsa, bolalar va yoshlarning sport bilan muntazam shug‘ullanish imkoniyatlari ko‘zdan kechirildi.

📋 Sport inshootlarining moddiy-texnik holati, mavjud jihozlarning sozligi va ulardan foydalanish imkoniyatlari, sport maydonlarida zarur shart-sharoitlarning yaratilganligi atroflicha o‘rganildi.

🏃‍♂️ O‘rganish jarayonida bolalar va yoshlarni ommaviy sportga keng jalb etish, ularning bo‘sh vaqtini mazmunli tashkil qilish, sog‘lom turmush tarzini targ‘ib etish hamda mahallada turli sport musobaqalari va tadbirlarini muntazam tashkil etish masalalariga alohida e’tibor qaratildi.

🤝 Shu bilan birga, mavjud sport inshootlaridan foydalanish samaradorligini oshirish, ularni zarur hollarda ta’mirlash va qo‘shimcha jihozlash, shuningdek, aniqlangan muammo va kamchiliklarni bartaraf etish yuzasidan tegishli takliflar bildirildi.

📌 O‘rganish yakunida mahallada sport bilan shug‘ullanish uchun yaratilgan imkoniyatlarni yanada kengaytirish, aholi va yoshlarning sportga bo‘lgan qiziqishini oshirish hamda mavjud sport inshootlaridan samarali foydalanishni ta’minlash bo‘yicha amalga oshirilishi lozim bo‘lgan vazifalar muhokama qilindi.

💪 Sog‘lom turmush tarzini keng targ‘ib etish va yoshlarni sportga jalb qilish — barkamol avlodni voyaga yetkazishning muhim omillaridan biridir.

✅Xalq deputatlari O‘rta Chirchiq tuman Kengashi kotibiyati axborot xizmati!
Telegram | Instagram | Facebook | YouTube