#Kunlik_ish_reja_ijrosi
#kotibiyat_mudiri_faoliyati
#ekspert_guruhi_faoliyati

47-maktabning yangi o‘quv yiliga tayyorgarligi o‘rganildi

Xalq deputatlari tuman Kengashiga 7-“Navro‘z” saylov okrugidan saylangan deputat K.Umirovning saylov okrugidagi “Navro‘z” mahallasida joylashgan 47-sonli umumta’lim maktabining mavjud holati tuman Kengashi kotibiyati mudiri K.Muhammadiyev hamda tuman Kengashi huzuridagi Ekspert guruhi raisi o‘rinbosari Y.Umbarov ishtirokida o‘rganildi.

O‘rganish davomida maktabning yangi 2026/2027-o‘quv yiliga tayyorgarlik holati, o‘quvchilar uchun yaratilgan shart-sharoitlar, bino va sinfxonalarning holati, obodonlashtirish hamda ta’mirlash ishlari ko‘zdan kechirildi.

Shuningdek, ta’lim muassasasida yangi o‘quv yilini munosib boshlash uchun amalga oshirilgan ishlar va mavjud imkoniyatlar tahlil qilindi.

O‘rganish davomida maktab yaqinida “Bolalar o‘tish joyi” yo‘l belgisi o‘rnatilmaganligi bilan bog‘liq muammo mavjudligi aniqlandi. Mazkur masalani tegishli tashkilotlar bilan hamkorlikda o‘rganib, yo‘l harakati xavfsizligini ta’minlash maqsadida zarur choralarni ko‘rish belgilandi.

Mazkur o‘rganish deputatlik nazorati doirasida amalga oshirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram