#Murojaat_va_ijro
#deputat_faoliyati
#kotibiyat_xodimi_faoliyati
#24_ta_tavsiyalar_ijrosi
#Okrugda_o‘rganish

Bandixon tumanida deputat va Adliya bo‘limi hamkorligida fuqarolar qabuli tashkil etildi

Aholi bilan muloqot tizimini takomillashtirish hamda hududlardagi ijtimoiy-huquqiy muammolarga amaliy yechim topish maqsadida Bandixon tumanida navbatdagi sayyor qabul o‘tkazildi.

Tadbirda 19-“Quduqsoy” saylov okrugi deputati G.Xolmatova hamda tuman Adliya bo‘limi mas’ullari ishtirok etib, fuqarolarning murojaatlarini tingladilar. Qabul davomida 16 nafar fuqaroning yo‘l ta’miri, elektr energiyasi, qurilish va bandlik masalalariga oid 10 ta murojaati atroflicha ko‘rib chiqildi.

Ko‘tarilgan masalalarni qisqa muddatlarda va qonuniy hal etish yuzasidan mutasaddi idoralar bilan hamkorlikda chora-tadbirlar belgilandi. Murojaatlar ijro jarayoni deputatlik nazorati ostida amalga oshirilishi ta’kidlandi.