Xalq deputatlari Paxtakor tumani Kengashi deputati B.Misratullayev o‘z saylov okrugi hududidagi 3-sonli umumiy o‘rta ta’lim maktabining 2026–2027-yil kuz-qish mavsumiga tayyorgarlik holatini o‘rgandi.

O‘rganish davomida maktabdagi isitish tizimi, sinf xonalari, sport zali hamda boshqa zarur sharoitlar ko‘zdan kechirildi.

Ayni damda maktab binosida bazalt bilan issiqlik izolyatsiyasi ishlari ham davom ettirilayotgani qayd etildi.

Mazkur ishlar maktab binosining issiqlikni saqlash samaradorligini oshirish, kuz-qish mavsumida o‘quvchilar uchun yanada qulay sharoit yaratishga xizmat qiladi.

Aniqlangan masalalar yuzasidan tegishli tavsiyalar berilib, ishlarning sifatli va o‘z vaqtida yakunlanishi deputat nazoratiga olindi.