Deputat so‘rovi ijrosi: Mustaqillik ko‘chasining 2,7 km qismi asfaltlandi

Bandixon tumanida deputatlik nazorati va ijro intizomining uzviyligi natijasida aholini qiynab kelayotgan infratuzilma masalalari ijobiy yechim topmoqda.

Xalq deputatlari Bandixon tumani Kengashi deputati X.A.Abdimo‘minovning "Bandixon" mahallasidagi Mustaqillik ko‘chasi yo‘lini ta’mirlash bo‘yicha tuman yo‘llardan foydalanish korxonasi DMga yuborgan deputat so‘rovi yuzasidan amaliy choralar ko‘rib chiqildi.

Tuman yo‘llardan foydalanish korxonasi DM bergan rasmiy axborotga binoan, ushbu hududdagi mahalliy ahamiyatga ega 75 V 089 avtomobil yo‘lining Mustaqillik ko‘chasidan o‘tgan 2.7 km qismida asfalt yotqizish ishlari to‘liq bajarildi.

Hozirda ko‘chada ta’mirlash va infratuzilmani yaxshilash ishlari reja asosida davom ettirilmoqda.