#deputatlik_nazorati_Uchtepa #deputat_so'rovi

🇺🇿 Xalq deputatlari Uchtepa tumani Kengashi "9-Jurjoniy" okrugi deputati Ismanov Jafar Xodjimuratovich tomonidan Uchtepa tumani hokimining qurilish, to‘siqlarsiz muhit yaratish, kommunikasiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari – tuman Obodonlashtirish boshqarmasi boshlig‘i Nurali Ismatovga navbatdagi deputatlik so'rovi chiqarildi.

📁 Davlatobod mahallasida bolalar va sport maydonchasi barpo etish masalasi yuzasidan Davlatobod mahallasida yashovchi fuqarolarning murojaatlari asosida Somoniy 1-proyezd ko‘chasida, 490-sonli DMTTga tutash hududda zamonaviy bolalar o‘yin maydonchasi hamda workout sport maydonchasi tashkil etish masalasi ko‘tarilgani, mazkur hududda bolalar va yoshlar uchun ushbu maydonchalarning mavjud emasligi sababli, ularning bo‘sh vaqtini mazmunli tashkil etish, sport bilan shug‘ullanishi uchun qulay sharoit yaratish zarurati mavjudligi qayd etilgan.

📈 Shu munosabat bilan, 2027-yil uchun Uchtepa tumani dasturini shakllantirish jarayonida:

✍️ Davlatobod mahallasi, Somoniy 1-proyezd ko‘chasidagi 490-sonli DMTTga tutash hududda zamonaviy bolalar o‘yin maydonchasi;

✍️ yoshlar va aholi uchun workout sport maydonchasi barpo etish loyihasini tuman dasturiga kiritish imkoniyatini ko‘rib chiqishingiz hamda mazkur masalani amalga oshirishda amaliy yordam ko‘rsatish so'ralmoqda.

🗣 Deputatlik so‘rovida ko‘tarilgan masala yuzasidan o‘rganish natijalari hamda amalga oshiriladigan ishlar bo‘yicha 10 kun muddatda asoslantirilgan ma’lumot taqdim etish talabi qo‘yilgan. Mazkur masala deputat tomonidan nazoratga olingan.