Xalq deputatlari Taxiatosh tumani Kengashiga Oʻzbekiston Ekologik partiyasidan saylangan deputat Abduraxmanova Nafisa Alimovna o‘zi saylangan “Keneges” OFY 5-Xamza saylov okrugi hududida “Mahallada obodlik va mehr-oqibat oyligi” doirasida aholi bilan navbatdagi uchrashuvlarni o‘tkazdi.

🌱 Muloqotlar davomida xonadonlar atrofi va ichki ko‘chalarni ozoda saqlash, ko‘kalamzorlashtirish ishlarini kengaytirish, mahallada tartib-intizom va hamjihatlik muhitini mustahkamlash masalalariga alohida e’tibor qaratildi.

🤝 Shuningdek, fuqarolar bilan ochiq suhbatlar o‘tkazilib, hududni yanada obod va fayzli maskanga aylantirishda har bir oilaning faolligi muhim ekani ta’kidlandi.

📍 Deputat tomonidan aholi bilan bunday uchrashuvlarni muntazam davom ettirish, obodonlashtirish ishlari borishini joyida kuzatib borish hamda fuqarolar bilan doimiy muloqotni yo‘lga qo‘yish ustuvor vazifa sifatida belgilandi.

🌿 Obod mahalla — doimiy e’tibor, hamjihatlik va har bir fuqaroning mas’uliyati bilan bunyod bo‘ladi.