Xalq deputatlari Boyovut tumani Kengashining 28-sessiyasida ko‘tarilgan masala yuzasidan tuman Kengashi deputatlari A. Ibadullayev, U. Yarlakabov hamda Kengash kotibiyati bosh mutaxassisi Sh. Suvankulov O‘zbekiston Respublikasi Prezidentining Boyovut tumanidagi Xalq qabulxonasi mudiri o‘rinbosari I. Xayitov bilan uchrashuv o‘tkazdi.

Uchrashuv davomida Ijtimoiy himoya milliy agentligining Boyovut tumani "Inson" ijtimoiy xizmatlar markazi tomonidan kelib tushayotgan fuqarolar murojaatlari holati atroflicha muhokama qilindi. Murojaatlarning mazmuni, ularni o‘z vaqtida ko‘rib chiqish hamda amaliy yechim topish yuzasidan o‘zaro fikr almashildi.

Yakunda kelib tushgan murojaatlarni joyiga chiqqan holda o‘rganish, aniqlangan muammolarni mutasaddi tashkilotlar bilan hamkorlikda bartaraf etish hamda ularning ijrosini deputatlik nazoratiga olish bo‘yicha kelishuvga erishildi.