Deputat murojaatni joyiga chiqib o‘rgandi

Xalq deputatlari Pastdarg‘om tumani Kengashi deputati G. Xoliqulova Maroqanda mahallasida yashovchi fuqarolar bilan uchrashib, navbatdagi sessiya kun tartibiga kiritilgan Pastdarg‘om tumani Soliq inspeksiyasi hisobotini ko‘rib chiqish arafasida murojaatlar yuzasidan o‘rganish olib bordi.

O‘rganish davomida mahalla soliq inspektori faoliyatidan norozi bo‘lgan fuqarolar xonadonlariga borilib, ularning fikr va e'tirozlari tinglandi.

Murojaatlarni o‘rganish jarayonida ayrim fuqarolarga hisoblangan yer solig‘i summasida xatoliklar mavjudligi sababli norozilik kelib chiqqani aniqlandi.

Deputat tomonidan aniqlangan holatlar yuzasidan tegishli mutasaddi tashkilotlarga qonunchilik talablari asosida choralar ko‘rish hamda fuqarolarning murojaatlarini adolatli hal etish bo‘yicha tegishli taklif va tavsiyalar bildirildi.

🤝 Har bir murojaat e'tiborda, har bir muammo deputatlik nazoratida.