#poytaxtdeputatlari #deputatlik_faoliyati

❗️Ustuvor vazifalar ijrosini ta’minlashda parlament va deputatlik nazoratini kuchaytirish masalalari muhokama qilindi

🏛 Oliy Majlis Senati Raisi Tanzila Narbayeva rahbarligida Prezident raisligida o‘tkazilgan videoselektor yig‘ilishlarida belgilangan ustuvor vazifalar ijrosini ta’minlashda parlament ishtiroki, senatorlar va mahalliy Kengashlar deputatlarining nazorat faoliyati samaradorligini oshirish masalalari muhokama qilindi.

📝 Muhokamada Xalq deputatlari Toshkent shahar Kengashi raisi Rustam Kalonov boshchiligida Toshkent shahar Kengashi deputatlari ham ishtirok etdi.

📝 Uchrashuvda energetika sohasini rivojlantirish, elektr va gaz ta’minoti barqarorligini ta’minlash, energiya yo‘qotishlarini qisqartirish, kuz-qish mavsumiga puxta tayyorgarlik ko‘rish hamda mavjud muammolarni bartaraf etishda parlament va deputatlik nazoratini kuchaytirish masalalariga alohida e’tibor qaratildi.

📍 Senatorlar va mahalliy Kengashlar deputatlariga bir hafta muddatda o‘z saylov okruglaridagi energetika sohasidagi holatni joyiga chiqqan holda o‘rganish, aholi bilan uchrashish, aniqlangan muammolarni mas’ul tashkilotlar bilan hamkorlikda bartaraf etish hamda ularning ijrosini nazorat qilib borish yuzasidan tavsiyalar berildi.

🔎 Shuningdek, mahallalarda aholi bandligini ta’minlash, kambag‘allikni qisqartirish, mikroloyihalarni amalga oshirish, ijtimoiy himoya samaradorligini oshirish va davlat xizmatlarini aholiga yanada yaqinlashtirish masalalari ko‘rib chiqildi.

🤝 Senatorlar va mahalliy Kengashlar deputatlariga saylov okruglaridagi “mahalla yettiligi” bilan tizimli hamkorlik qilish, amalga oshirilayotgan loyihalarni joyiga chiqib o‘rganish hamda aholini qiynayotgan muammolarni mas’ul idoralar bilan birgalikda hal etish bo‘yicha tavsiyalar berildi.

🌳 Mustaqillikning 35 yilligi munosabati bilan e’lon qilingan “Mahallada obodlik va mehr-saxovat oyligi” doirasida mahallalarda obodonlashtirish ishlarini jadallashtirish, xavfsiz va ozoda muhit yaratishga aholini keng jalb etish muhimligi ta’kidlandi.

✅ Muhokama yakunida belgilangan vazifalarning o‘z vaqtida va sifatli ijrosini ta’minlash, parlament va deputatlik nazoratini kuchaytirish, mahalliy Kengashlarning nazorat vakolatlaridan samarali foydalanish hamda aholi murojaatlari bilan manzilli ishlash bo‘yicha ustuvor yo‘nalishlar belgilab olindi.

📱 Telegram 📱 Instagram 📱 Facebook 📱 YouTube 🔎 E-kengash