ЁШЛАР МУАММОЛАРИГА ЕЧИМ — ДОИМИЙ ЭЪТИБОР МАРКАЗИДА
Бугун туман ҳокими, Халқ депутатлари Янгиқўрғон тумани Кенгаши депутати А.Нажмиддинов ўзи сайланган округдаги ишсиз, оталиққа олинган ҳамда пробация назоратида турган ёшлар билан индивидуал учрашув ўтказди.
Учрашув давомида ҳар бир ёшнинг муаммоси ва эҳтиёжи алоҳида ўрганилди.
Хусусан, М.Назаровнинг ўзини ўзи банд қилиши ва даромад манбаига эга бўлиши учун паррандачилик фаолиятини йўлга қўйиш мақсадида унга паррандалар ажратиш масаласи кўриб чиқилди.
Шунингдек, меҳнат миграциясида бўлган О.Собиржоновнинг оилавий ва ижтимоий аҳволи ўрганилиб, мавжуд масалаларни ҳал этиш бўйича тегишли вазифалар белгиланди.
Бундан ташқари, пробация ҳисобида турган бир қатор ёшлар билан ҳам очиқ мулоқот ўтказилиб, уларни қийнаётган муаммолар тингланди. Мурожаатларни ижобий ҳал этиш ҳамда ёшларни ижтимоий ҳаётга мослаштириш юзасидан амалий чора-тадбирлар белгилаб олинди.
Учрашувда ёшларни ҳар томонлама қўллаб-қувватлаш, уларнинг бандлигини таъминлаш, касб-ҳунар ва тадбиркорликка йўналтириш ҳамда жамиятда муносиб ўрин эгаллашига кўмаклашиш бўйича ишлар изчил давом эттирилиши таъкидланди.