Prezidentimizning "Cyber University"ga tashrif buyurib, zamonaviy ta'lim va raqamli texnologiyalarni rivojlantirishga qaratilgan yangi loyihalarga start bergani mamlakatimizning innovatsion taraqqiyot yo'lidagi muhim qadamlardan biridir.
🌏Bugungi kunda sun'iy intellekt, kiberxavfsizlik, axborot texnologiyalari va raqamli iqtisodiyot sohalarida yuqori malakali kadrlarni tayyorlash strategik ahamiyat kasb etmoqda. Ushbu tashabbuslar yoshlarimiz uchun zamonaviy bilim va ko'nikmalarni egallash, xalqaro mehnat bozorida raqobatbardosh mutaxassis bo'lib yetishishiga keng imkoniyat yaratadi.
🌏Deputat sifatida ushbu islohotlarni to'liq qo'llab-quvvatlayman. Zero, bilimli, zamonaviy fikrlaydigan va raqamli texnologiyalarni puxta egallagan yoshlar – Yangi O‘zbekiston taraqqiyotining eng muhim tayanchidir. Bunday loyihalar nafaqat ta'lim sifatini yangi bosqichga olib chiqadi, balki mamlakatimizning raqamli transformatsiyasini jadallashtirish, innovatsion iqtisodiyotni rivojlantirish va xalqimiz farovonligini yuksaltirishga xizmat qiladi.