Bandixonda "Mahallada obodlik va mehr-saxovat oyligi" doirasidagi ustuvor vazifalar belgilandi

Prezidentimiz raisligida o‘tkazilgan, mahallalarda mutlaqo yangi muhit yaratish hamda "mahalla yettiligi" faoliyatini yangi yondashuvlar asosida tashkil etishga bag‘ishlangan videoselektor yig‘ilishida yurtimiz bo‘ylab "Mahallada obodlik va mehr-saxovat oyligi"ni o‘tkazish vazifasi belgilangan edi.

Mazkur topshiriq ijrosini ta’minlash maqsadida xalq deputatlari tuman Kengashi deputati, tuman hokimi Abdumalik Allamuradov rahbarligida oylik doirasida amalga oshiriladigan chora-tadbirlarga bag‘ishlangan yig‘ilish bo‘lib o‘tdi. Shuningdek, tadbirda xalq deputatlari viloyat Kengashi raisi Abduraim Choriyev, hamda Viloyat Kengash kotibiyati mudiri Sherpo'lat Boyqulov hamda tuman Kengashi raisi E.Jurayev, tuman Kengashi kotibiyat mudiri A.Pardayev, tuman Kengashi deputatlar, tuman hokimi o'rinbosarlari va mutasaddi tashkilot rahbarlari ishtirok etdi.

Yig‘ilishda mahallalarda obodonlashtirish ishlarini tizimli tashkil etish, ichki yo‘llar, ichimlik suvi, elektr ta’minoti, irrigatsiya tarmoqlari hamda boshqa muhandislik-kommunikatsiya infratuzilmasini yaxshilash, hududlarni chiqindilardan tozalash, sanitariya holatini mustahkamlash va aholi uchun yanada qulay yashash muhitini yaratish bo‘yicha aniq vazifalar belgilab berildi.