#deputat_sorovi_ijrosi
#kotibiyat_xodimi_faoliyati
#nazorat_tahlil

Deputat so‘rovi ijrosi joyida o‘rganildi

Xalq deputatlari Qiziriq tumani Kengashiga 8-Yangi yo‘l saylov okrugidan saylangan deputat A.Ergashevga biriktirilgan tuman Kengashi kotibiyati bosh mutaxassisi A.Mamarajabov tomonidan mahalla raisi bilan birgalikda "Tinchlik" mahallasida deputat so‘rovi ijrosi yuzasidan amalga oshirilayotgan ishlar joyiga chiqib o‘rganildi.

Mazkur masala yuzasidan Xalq deputatlari Qiziriq tumani Kengashining 2026-yil 5-maydagi 81-ds-403-26-sonli deputat so‘rovi Qiziriq tumani elektr tarmoqlari korxonasiga yuborilgan edi. Unda mahallaga olib kelingan 12 dona elektr tayanch ustunlari uzoq muddat davomida o‘rnatilmay turgani, eski va yaroqsiz tayanch ustunlarini almashtirish hamda elektr ta’minotini yaxshilash masalalari ko‘tarilgan.

O‘rganish davomida deputat so‘rovi ijrosi yuzasidan 12 dona elektr tayanch ustunlari o‘rnatilgani, hududda elektr kabellarini tortish ishlari olib borilayotgani aniqlandi. Shuningdek, elektr ta’minotini yanada yaxshilash maqsadida qo‘shimcha 7 dona elektr tayanch ustunlari hududga olib kelingan bo‘lib, ularni o‘rnatish ishlari bosqichma-bosqich amalga oshirilishi belgilangan.

O‘rganish yakunida olib borilayotgan ishlarning sifatli va belgilangan muddatlarda yakunlanishi, aholini uzluksiz hamda sifatli elektr energiyasi bilan ta’minlash yuzasidan fikir almashildi. Deputatlik nazorati doirasida mazkur ishlarning ijrosi yuzasidan monitoring ishlari davom ettirilishi qayd etildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram