Xalq deputatlari Chilonzor tumani Kengashi deputati Maxmudova Donoxon Artikovna tomonidan saylov okrugi hududida fuqarolar murojaatlari asosida o‘rganish ishlari olib borilib, Charx Kamolon-2 mahallasidagi ko‘p qavatli uylar atrofida ayrim daraxtlarning qurib qolgan va chirigan yirik shoxlari fuqarolar hayoti hamda mol-mulkiga xavf tug‘dirayotgani aniqlangan edi.

Mazkur holat yuzasidan deputat tomonidan tuman hokimining tegishli o‘rinbosari hamda Obodonlashtirish boshqarmasiga deputat so‘rovi yuborilib, hududdagi daraxtlarni mutaxassislar ishtirokida ko‘zdan kechirish, avariya holatidagi daraxtlar va qurigan shoxlarni sanitariya maqsadida butalash, fuqarolar xavfsizligini ta’minlash bo‘yicha zarur choralarni ko‘rish hamda amalga oshirilgan ishlar yuzasidan belgilangan muddatlarda yozma axborot taqdim etish so‘raldi.

Mazkur masalaning ijrosi deputat nazoratiga olingan.