Xalq deputatlari Pastdarg‘om tuman Kengashining navbatdagi sessiyasida tuman Veterinariya va chorvachilikni rivojlantirish bo‘limi boshlig‘i I.Bolievning tumanda sanitar-epidemiologik holatni yaxshilash borasida amalga oshirilayotgan ishlar yuzasidan hisoboti eshitildi.

Hisobotda chorva mollari va uy hayvonlarini profilaktik emlash, veterinariya-sanitariya tadbirlarini tashkil etish, sun’iy urug‘lantirish ishlari hamda yuqumli kasalliklarning oldini olish bo‘yicha amalga oshirilgan ishlar haqida batafsil ma’lumot berildi.

Sessiyada deputatlar tomonidan chorva mahsulotlari savdosi ustidan veterinariya nazoratini kuchaytirish, so‘yish punktlarining sanitariya holatini yaxshilash, uy hayvonlarini to‘liq ro‘yxatga olish va majburiy emlash tizimini takomillashtirish, tegishli xizmatlar o‘rtasidagi hamkorlikni yanada mustahkamlash yuzasidan qator vazifalar belgilandi.