Xalq deputatlari Jondor tumani Kengashi hamda O‘zbekiston XDP Jondor tumani kengashi deputatlik guruhi hamkorligida tumandagi "Tinchlik" va "Zarafshon" mahalla fuqarolar yig‘inlari hududida o‘rganish ishlari o‘tkazildi.
🔹O‘rganishdan asosiy maqsad — aholiga o‘z vaqtida va sifatli tibbiy yordam ko‘rsatilishi ahvoli, tibbiyot muassasalaridagi sharoitlar hamda bemorlarni bepul dori-darmon vositalari bilan ta’minlash tizimining samaradorligini joyiga chiqib baholashdan iborat bo‘ldi.
🔹Mahalla fuqarolari bilan bevosita suhbatlashilib, tibbiyot sohasidagi mavjud muammolar va takliflar tinglandi.
🔹E’tibordan chetda qolgan har bir murojaat — aholi salomatligiga bevosita ta’sir qiluvchi omildir. Tibbiyot sohasida shaffoflikni ta’minlash va imtiyozli dorilarni o‘z egalariga bekamu ko‘st yetkazish deputatlik nazoratining bosh mezoni bo‘lib qoladi.
🔹O‘rganish yakunlari bo‘yicha aniqlangan ayrim kamchiliklarni bartaraf etish va mahallalarda tibbiy xizmat ko‘rsatish sifatini yanada oshirish bo‘yicha tegishli mas’ullarga ko‘rsatmalar berildi va ijrosi nazoratga olindi.