QONUN IJROSI — AMALIY NAZORAT MARKAZIDA

Xalq deputatlari Ko‘kdala tuman Kengashi kotibiyat mudiri, 19-“Xushali” saylov okrugi deputati F.Bektemirov, doimiy komissiya a’zolari, tuman Kengashi huzuridagi ekspert guruhi a’zolari hamkorligida “Reklama to‘g‘risida”gi O‘RQ-776-sonli Qonun ijrosi yuzasidan hududlarda amaliy o‘rganish ishlari olib borildi.

Deputat tomonidan mas’ul tashkilot vakillariga reklama faoliyatini qonunchilik asosida tartibli tashkil etish, noqonuniy reklama vositalarini bartaraf etish hamda hududlarning zamonaviy va obod qiyofasini saqlash yuzasidan tegishli tavsiya hamda ko‘rsatmalar berildi.

Qonun ustuvorligi, tartib va estetik muhitni ta’minlash yo‘lida deputatlik nazorati davom etmoqda.