Xalq deputatlari Pastdarg‘om tuman Kengashining navbatdagi sessiyasi kun tartibiga kiritilgan masalalar doirasida mahallalar va ta’lim muassasalarida yoshlarning yozgi ta’tilini mazmunli va samarali tashkil etishga qaratilgan “Dolzarb 90 kun” amaliy tadbirlari ijrosi deputatlar tomonidan joylarda o‘rganilmoqda.

Jumladan, deputat N. Dusmurodov tumandagi 18-sonli umumiy o‘rta ta’lim maktabida “Dolzarb 90 kun” loyihasi doirasida tashkil etilgan kitob taqdimoti tadbirida ishtirok etdi.

Tadbir davomida o‘quvchilarga turli badiiy va ma’rifiy asarlar tanishtirilib, kitobxonlikning ahamiyati, mutolaaning inson kamolotidagi o‘rni haqida fikr-mulohazalar bildirildi.

Shuningdek, kitob taqdimoti o‘quvchilarda kitobga bo‘lgan qiziqishni oshirish, ularni muntazam mutolaaga jalb etish hamda ma’naviy dunyoqarashini boyitishga xizmat qilishi ta’kidlandi.