ДЕПУТАТ ОКРУГИДА КЎЧАМА-КЎЧА ЎРГАНИШЛАР БОШЛАНДИ
Халқ депутатлари Янгиқўрғон тумани Кенгаши депутати Қодиров Икромжон Жўраевич томонидан сайлов округида кўчама-кўча ўрганиш ишлари бошланди.
Дастлаб округ ҳудудидаги кўчалардан бирида ўрганиш олиб борилиб, у ерда истиқомат қилувчи фуқаролар билан бевосита мулоқот ўтказилди. Ҳозирги кунда мазкур кўчада 121 та хонадон мавжуд бўлиб, аҳолининг мурожаат ва таклифлари тингланди, ҳудуддаги мавжуд муаммолар жойида ўрганилди.
Ўрганилаётган маҳалла фуқаролар йиғинида жами 7 та кўча мавжуд. Депутат томонидан ҳар бир кўчани босқичма-босқич ўрганиш, фуқаролар билан очиқ мулоқот ўтказиш ҳамда аниқланган муаммоларни тегишли ташкилотлар иштирокида ҳал этиш чораларини кўриш режалаштирилган.
Кўчама-кўча ва хонадонма-хонадон ўрганиш ишлари изчил давом эттирилади.