Xalq deputatlari Parkent tuman Kengashining 19-“Chashma” saylov okrugidan saylangan deputati Xojiboyev Jalol Xotamboyevich tomonidan saylov okrugi hududida olib borilayotgan bunyodkorlik va obodonlashtirish ishlarining ijrosi yuzasidan navbatdagi jamoatchilik nazorati amalga oshirildi.Nazorat davomida deputat o‘zi saylangan hududdagi “Xurriyat” mahallasida joylashgan 17-sonli umumiy o‘rta ta’lim maktabida bo‘lib, “Tashabbusli budjet” loyihasining 2025-yil 2-mavsumida g‘olib bo‘lgan tashabbus doirasida barpo etilayotgan zamonaviy faollar zalining qurilish jarayonini ko‘zdan kechirdi.O‘rganish jarayonida qurilishning amaldagi holati,bajarilayotgan ishlarning sifati va belgilangan texnik talablarga muvofiqligi yuzasidan fikr almashildi. Shuningdek, loyiha uchun ajratilgan mablag‘larning maqsadli va samarali o‘zlashtirilishi bilan bog‘liq masalalarga ham e’tibor qaratildi.Mas’ul mutasaddilar hamda pudratchi tashkilot vakillari bilan muloqot davomida qurilishning borishi, mavjud muammolar va ularni tezkor bartaraf etish masalalari muhokama qilindi.Yakunida obyektdagi ishlarni belgilangan muddatlarda,sifat talablariga qat’iy rioya qilgan holda yakunlash bo‘yicha tegishli tavsiyalar berildi. Mazkur loyiha ijrosi va qurilish ishlarining sifati deputatlik jamoatchilik nazorati doirasida kelgusida ham kuzatib borilishi qayd etildi.