“Naymanko‘l” OFY 2-Xanjap saylov okrugida mahalla muammolarini o‘rganish davomida navbatdagi manzil — Bexsiyiq ko‘chasi bo‘ldi.

Xalq deputatlari Taxiatosh tumani Kengashiga O‘zbekiston Xalq demokratik partiyasidan saylangan deputat Taganberdiyev Galpak Arazdurdiyevich “Yoshlar maslahat guruhi” a’zosi M.Kalbayev bilan birgalikda ko‘chaboshi S.Xasanov bilan suhbatlashib, hududdagi mavjud holat va aholi uchun dolzarb masalalarni muhokama qildi.

💡 Muloqot davomida ko‘cha hududini yanada tartibga keltirish, aholi uchun qulay sharoit yaratish, shuningdek, yosh oilalarning huquqiy, psixologik va moliyaviy savodxonligini oshirishga qaratilgan seminarlar tashkil etish masalalari yuzasidan fikr almashildi.

📝 Ko‘chaboshi tomonidan bildirilgan taklif deputatning hududdagi muammolarni qayd etish daftariga kiritildi.

🌿 Mahalladagi har bir taklif — e’tibor va amaliy harakat uchun muhim asos. “Naymanko‘l” OFY 2-Xanjap saylov okrugida o‘rganish ishlari davom etadi.