Xalq deputatlari Jondor tumani Kengashiga 5-Oydin saylov okrugidan saylangan deputat O.Muzaffarova "Jamiyat" mahallasida bo‘lib, aholiga o‘z vaqtida va sifatli tibbiy xizmat ko‘rsatilishi holatini o‘rgandi.
📌O‘rganish jarayonida mahalladagi tibbiy xizmat sifati, aholining oilaviy shifokor va hamshiralar faoliyatidan qoniqish darajasi, dori-darmon ta’minoti hamda profilaktik tibbiy ko‘riklarni tashkil etish masalalari yuzasidan fikr-mulohazalar tinglandi.
📌Deputat aholi murojaatlariga alohida e’tibor qaratib, aniqlangan muammo va takliflarni mas’ul tashkilotlar bilan hamkorlikda bartaraf etish bo‘yicha tegishli choralar ko‘rilishini ta’kidladi.
📌Bunday o‘rganishlar aholiga ko‘rsatilayotgan tibbiy xizmat sifatini yanada oshirish, fuqarolarning sog‘lig‘ini muhofaza qilish hamda joylardagi mavjud muammolarni o‘z vaqtida hal etishga xizmat qiladi.