#qonunchilikdagi_yangiliklar #162_ta_eng_muhim_qonun #poytaxtdeputatlari #deputatlik_faoliyati

❗️ Mahalliy Kengashlar doimiy komissiyalari kesimidagi eng muhim qonunlar

🏛 Agrar, suv xo‘jaligi va ekologiya masalalari bo‘yicha doimiy komissiya faoliyatida atrof-muhitni muhofaza qilish, tabiiy resurslardan oqilona foydalanish, ekologik xavfsizlikni ta’minlash hamda barqaror rivojlanish tamoyillarini hayotga tatbiq etishga qaratilgan qonun hujjatlarini chuqur o‘rganish muhim ahamiyat kasb etadi.

📁 Bugungi kunda ekologik muvozanatni saqlash, iqlim o‘zgarishining salbiy ta’sirini kamaytirish, atmosfera havosini muhofaza qilish, chiqindilarni samarali boshqarish va tabiiy boyliklarni kelajak avlodlar uchun asrab-avaylash davlat siyosatining ustuvor yo‘nalishlaridan biridir.

📝 Tabiatni muhofaza qilish va ekologik nazorat sohasi bo‘yicha o‘rganilishi lozim bo‘lgan muhim qonunlar:

📝 “Tabiatni muhofaza qilish to‘g‘risida”gi O‘zbekiston Respublikasining Qonuni

📆 №754-XII | Qabul qilingan sana: 09.12.1992

🔺 Mazkur qonun atrof-muhitni muhofaza qilish, tabiiy resurslardan oqilona foydalanish va ekologik xavfsizlikni ta’minlashning asosiy huquqiy tamoyillarini belgilaydi.

📝 “Ov qilish va ovchilik xo‘jaligi to‘g‘risida”gi O‘zbekiston Respublikasining Qonuni

📆 O‘RQ-627 | Qabul qilingan sana: 08.07.2020

🔺 Ushbu qonun hayvonot dunyosini asrash, ovchilik xo‘jaligini tartibga solish hamda biologik xilma-xillikni saqlashga xizmat qiladi.

📝 “Atmosfera havosini muhofaza qilish to‘g‘risida”gi O‘zbekiston Respublikasining Qonuni

📆 №353-I | Qabul qilingan sana: 27.12.1996

🔺 Mazkur qonun atmosfera havosining ifloslanishini oldini olish, ekologik xavfsizlikni ta’minlash va fuqarolarning qulay atrof-muhitga bo‘lgan huquqlarini himoya qilishga qaratilgan.

📝 “Issiqxona gazlarining chiqarilishini cheklash to‘g‘risida”gi O‘zbekiston Respublikasining Qonuni

📆 №O‘RQ-1073 | Qabul qilingan sana: 07.07.2025

🔺 Qonun issiqxona gazlari chiqindilarini kamaytirish, iqlim o‘zgarishiga moslashish va “yashil iqtisodiyot” tamoyillarini keng joriy etishning huquqiy asoslarini belgilaydi.

📝 “Chiqindilar to‘g‘risida”gi O‘zbekiston Respublikasining Qonuni

📆 №362-II | Qabul qilingan sana: 05.04.2002

🔺 Mazkur qonun chiqindilarni yig‘ish, tashish, qayta ishlash va utilizatsiya qilish sohasidagi munosabatlarni tartibga solib, ekologik xavfsizlikni ta’minlashga xizmat qiladi.

📝 “Muhofaza etiladigan tabiiy hududlar to‘g‘risida”gi O‘zbekiston Respublikasining Qonuni

📆 №710-II | Qabul qilingan sana: 03.12.2004

🔺 Ushbu qonun alohida muhofaza etiladigan tabiiy hududlar, noyob flora va fauna obyektlarini asrash hamda ulardan oqilona foydalanishning huquqiy asoslarini belgilaydi.

📝 “Ekologik nazorat to‘g‘risida”gi O‘zbekiston Respublikasining Qonuni

📆 №O‘RQ-363 | Qabul qilingan sana: 27.12.2013

🔺 Qonun ekologik qonunchilikka rioya etilishi ustidan nazoratni kuchaytirish, ekologik huquqbuzarliklarning oldini olish va atrof-muhitni muhofaza qilish samaradorligini oshirishga qaratilgan.

📝 “Tuproqni muhofaza qilish va uning unumdorligini oshirish to‘g‘risida”gi O‘zbekiston Respublikasining Qonuni

📆 №O‘RQ-903 | Qabul qilingan sana: 02.02.2024

🔺 Mazkur qonun tuproq resurslarini muhofaza qilish, unumdorligini saqlash va oshirish hamda yerlardan oqilona foydalanishning huquqiy mexanizmlarini belgilaydi.

💡 Ushbu qonun hujjatlarini puxta o‘rganish mahalliy Kengash deputatlariga ekologik xavfsizlikni ta’minlash, tabiiy resurslarni asrash, iqlim o‘zgarishining salbiy oqibatlarini kamaytirish hamda hududlarda barqaror ekologik rivojlanishni ta’minlashga qaratilgan islohotlarni samarali qo‘llab-quvvatlashda muhim huquqiy asos bo‘lib xizmat qiladi.

📱 Telegram 📱 Instagram 📱 Facebook 📱 YouTube 🔎 E-kengash