⚖️ #Huquqiy_axborot_soati

📄 Oʻzbekiston Respublikasining “Aholi bandligi toʻgʻrisida”gi Qonuni 2020-yil 28-aprelda Qonunchilik palatasi tomonidan qabul qilingan hamda 2020-yil 7-avgustda Senat tomonidan maʼqullangan mazkur Qonun fuqarolarning mehnat qilish huquqini taʼminlash, bandlikni rivojlantirish va ishsizlikning oldini olishga qaratilgan muhim huquqiy poydevor hisoblanadi.

🔹 Qonunga koʻra:
🔹 Erkin mehnat huquqi: Fuqarolarning mehnat qilish, kasb va faoliyat turini erkin tanlash huquqlari kafolatlanadi;
🔹 Davlat kafolatlari: Aholini ish bilan taʼminlash, munosib mehnat sharoitlarini yaratish va mehnat huquqlarini himoya qilish bo‘yicha davlat kafolatlari belgilanadi;
🔹 Malaka oshirish va qayta o‘qitish: Ishsiz va ish qidirayotgan shaxslarni zamonaviy kasb-hunarlarga tayyorlash, qayta tayyorlash va malakasini oshirish mexanizmlari mustahkamlanadi;
🔹 Ijtimoiy qo‘llab-quvvatlash: Yoshlar, xotin-qizlar, nogironligi bo‘lgan shaxslar hamda ijtimoiy himoyaga muhtoj boshqa aholi qatlamlarini ish bilan taʼminlash (shu jumladan, kvota ish o‘rinlari ajratish) bo‘yicha qo‘shimcha chora-tadbirlar nazarda tutiladi;
🔹 Tadbirkorlikni rag‘batlantirish: O‘zini o‘zi band qilgan fuqarolar hamda tadbirkorlik subyektlari orqali yangi ish o‘rinlarini yaratayotgan ish beruvchilarga subsiya va imtiyozlar ajratish tartibi belgilangan.