O‘rganish davomida korxonada ishlab chiqarish jarayonlari, mehnat sharoitlari hamda mahsulotlar sifati ko‘zdan kechirildi. Ta’kidlanganidek, mazkur zavod nafaqat metall mahsulotlari, balki aholining kundalik ehtiyojlari uchun zarur bo‘lgan turli ro‘zg‘or buyumlarini ishlab chiqarish yo‘lga qo‘yilgan zamonaviy sanoat korxonalaridan biri hisoblanadi.

Korxona bugungi kunda 3 ming nafardan ortiq fuqaroni doimiy ish o‘rni bilan ta’minlagani hududda bandlikni oshirish va aholi farovonligini yuksaltirish borasida muhim ahamiyat kasb etayotgani alohida e’tirof etildi. Ishlab chiqarish quvvatlarini kengaytirish, mahsulot turlarini ko‘paytirish hamda eksport salohiyatini oshirish yo‘nalishida olib borilayotgan ishlar bilan tanishildi.

Shuningdek, korxona tomonidan xorijiy hamkorlar bilan yangi investitsiya loyihalarini amalga oshirish bo‘yicha olib borilayotgan hamkorlik ishlari muhokama qilindi. Ushbu loyihalar kelgusida ishlab chiqarish hajmini yanada kengaytirish, zamonaviy texnologiyalarni joriy etish, qo‘shimcha ish o‘rinlarini yaratish va mahalliy sanoatning raqobatbardoshligini oshirishga xizmat qilishi qayd etildi.

Deputat tomonidan korxonaning istiqboldagi rivojlanish rejalari, ishlab chiqarish samaradorligini oshirish hamda yangi investitsiya loyihalarini qo‘llab-quvvatlash masalalari yuzasidan mas’ullar bilan fikr almashildi.

Yangi investitsiyalar – yangi ish o‘rinlari, kuchli sanoat va hudud taraqqiyotining muhim omilidir.

️ Xalq deputatlari Samarqand shahar Kengashi