Amudaryo tumani hokimi, Xalq deputatlari Amudaryo tuman Kengashi deputati S.Xo‘jametov deputatlik faoliyatining eng muhim 24 ta yo‘nalishidan biri — mahallalarda aholi va bolalar uchun sport infratuzilmasining holatini o‘rganish doirasida tuman prokurori IIB mas’ullari bilan birgalikda "Navoiy" mahallasida joylashgan boks zaliga tashrif buyurdi.

Tashrif davomida yosh bokschilarning mashg‘ulot jarayonlari ko‘zdan kechirilib, ular bilan samimiy suhbat o‘tkazildi hamda sparring janglari tomosha qilindi. Yoshlarga kelgusidagi musobaqalarda yuqori natijalarga erishishlari uchun motivatsiya va ezgu tilaklar bildirildi.

Tadbir so‘nggida O‘zbekiston chempioni, sport ustasi va professional boksda munosib natijalarga erishib kelayotgan S.Shomurodovga esdalik sovg‘asi topshirildi.