Deputatlar nazoratda: Uzun tumani markazining infratuzilmasi o‘rganilmoqda
Xalq deputatlari Uzun tumani Kengashi deputat D. Safarova hamda deputatlar guruhi tomonidan tuman markazining infratuzilmasini yaxshilash borasida amalga oshirilayotgan ishlar joyiga chiqqan holda o‘rganildi.

Mazkur jarayon nazorat-tahlil tadbirlari doirasida tashkil etilib, unda quyidagi masalalarga alohida e’tibor qaratildi:

Yo‘llar va piyodalar yo‘lakchalari: Markaziy ko‘chalarni ta’mirlash va obodonlashtirish ishlari holati;

Yoritish tizimi: Tungi yoritish chiroqlarining sozligi va xavfsizlik talablariga javob berishi;

Ko‘kalamzorlashtirish va ekologiya: Hududlarni tartibga keltirish hamda obodonlashtirish loyihalarining borishi.

O‘rganish natijalari yuzasidan mutasaddi tashkilotlarga tegishli tavsiyalar berilib, ijrosi deputatlik nazoratiga olindi.