24-Tinchlik saylov okrugida obodonlashtirish ishlari o‘rganildi 

Xalq deputatlari Oltiariq tuman Kengashi raisi, 24-Tinchlik saylov okrugi deputati X.Raximov o‘z saylov okrugida ishlab
chiqilgan 24 ta tavsiyaviy savolnoma asosida hududlarda amalga oshirilayotgan obodonlashtirish ishlari bilan yaqindan tanishdi. O‘rganish davomida tuman Obodonlashtirish bo‘limi xodimlari bilan samimiy suhbat o‘tkazildi. Suhbat chog‘ida hududlar ozodaligi, ekologik madaniyatni yuksaltirish hamda aholi uchun qulay va obod muhit yaratishda obodonlashtirish xodimlarining fidokorona mehnati alohida e'tirof etildi. X.Raximov yurtimizda «Pokizalik — salomatlik garovi, obodlik esa taraqqiyot mezoni» ekanini ta'kidlab, ko‘chalar va mahallalarni ozoda saqlash yo‘lida xizmat qilayotgan obodonlashtirish xodimlarining kasbi eng sharafli va mas'uliyatli kasblardan biri ekanini qayd etdi. Shuningdek, ularning mehnatini munosib rag‘batlantirish, ish sharoitlarini yanada yaxshilash hamda faoliyatini qo‘llab-quvvatlash borasida tegishli chora-tadbirlar belgilanganini ma'lum qildi.