Andijon viloyati hokimining qishloq xo‘jaligi masalalari bo‘yicha o‘rinbosari Ulug‘bek Rahimov hamda soha
mas’ullari ishtirokida Jalaquduq tumani dalalarida olib borilayotgan agrotexnik tadbirlar ko‘zdan kechirildi. Mazkur
jarayonda Xalq deputatlari Jalaquduq tuman Kengashi deputati, Agrar, suv xo‘jaligi va ekologiya masalalari bo‘yicha doimiy komissiya a’zosi S.Rayimqulova ham ishtirok etdi. O‘rganish davomida tumandagi fermer xo‘jaliklari rahbarlari va mutaxassislari bilan ochiq muloqot o‘tkazildi. Unda ekinlarni parvarishlash, sug‘orish, oziqlantirish, zararkunanda va kasalliklarga qarshi kurashish hamda hosildorlikni oshirishga qaratilgan tadbirlarni ilmiy tavsiyalar asosida, belgilangan muddatlarda sifatli amalga oshirish yuzasidan zarur tavsiyalar berildi. Deputat va soha mutasaddilari tomonidan har bir agrotexnik tadbirni o‘z vaqtida va puxta bajarish — kelajakdagi mo‘l va sifatli hosil poydevori ekanligi alohida
ta’kidlandi.